**أبوذيات **
احبك واعتذر منك واناآسف*
جمال بروحك مغربل وناسف *
بروحي احط تي ان تي وناسف*
وافجر روحي اذا تزعل عليــــــــــــه***
الشوك وياك صدفة قابلاني*
شيجي منك عليه قابل آني*
تقشمرني بضحكتك قابل آني*
غشيم وتعبر الضحكة عليــــــــــــــه***
حزني عليك مايبطل وناحي*
اسب اللامني بودك وأنا حي*
تبات الناس مستوره وأنا حاي*
ليلي والنجم يشهد عليـــــــــــــــــه &&
انت الشمس وانت البدر منهل*
وشفافك طعم العســـــل منهل*
كلبي بس إلك ياتــــرف منهل*
الورد من تمر ياخـذ لك تحيـــــــــــــه&&
نحيل الجسم بودادك وداراك*
عجيبه الغيرك عني ودارك*
أحلف ما أصل بابك وداراك*
ولاقولن جنت صاحب إليــــــــــــــــه&&
اصيله الروح تنشد من خيالي*
وافز مرات اخافن من خيالي*
شكثر حاولت اخفك من خيالي*
خيالي انحف وانته لهسه بيــــــــــــــه&&
ابد مايوم كَلبي الفرح طبله
معلعل ما لكَه ياناس طبله
ثنه ركبه زماني ودكَله طبله
وكض سبحه وركَص جوبي عليــــــــــه&&
الكَلب ما باع من حبه ولك باع
ولك خبره بوسط روحي ولك باع
تريد تروح وتهاجر ولك باع
اذا هاجرت والله تعم عليـــــــــــــه&&
الفرح من يوم غبتو فاركَاني
وكبل بأول شبابي فاركَ اني
لجن هسه عليكم فاركَ اني
اديه ثنينهن والعب بيــــــــــــــه&&
نسيت انه المصايب مانسني
وليالي الفرح ابدا ما نسني
تكَلي سني انته؟ ماني سني
عراقي وافتخر بأجمل هويــــــــــــه&&
عراقيين احنه وطر فجرنا
شجم عبوه بهمر احنه فجرنا
لونك رايد اتجرنه فجرنا
ما ننجر ابد للطائفيــــــــــــــــه&&
ماردت الحزن بس غصب جالي
ومن فركَاك صدك عندي جالي
اضل اسقل بدربك واضل جالي
لجيتك من ترد يسمر عليـــــــــــــه&&
الكَلب حبك وغيرك ابد مختار
ولدروبك يغالي صبح مختار
بحبك تاه مخه وصار مختار
يحط عالناس بس ميحط عليـــــــــــــه&&
تعال ودوزن بكيفك وتاري
وصرت لعبة طفل بيدك وأتاري
تور البسمه حطت وتاري
خبط ويه الشعل وبعَد عليـــــــــــــه
يحلوه حساب احسبيلي وعدي
اذا خالفت يوم وياج وعدي
من حبج عليل اصبحت وعدي
تخاف الناس محد يمر بيـــــــــــــه&&
تره انه المصايب دوخني
ولجروحك يخويه دوا خلني
احترك كَلبي بجفاكم دوخني
ولا يطفه وتظل ناره سريــــــــــــــه&&
ثوب الحزن بفراگك لبسنه
وثكَيل الطبع طبعه لو لبسنه
ولك خدك ماوصلناله ولا بسنه
تزعل ليش يمدلل عليـــــــــــــــه&&
تظل صاحب فضل وشكبر فضلاك
وخلكَي ما فضه الغيرك وفض لك
اميزك عالخلگ كلهه وأفضك
وبسمك احترز صبح ومسيـــــــــــــه&&
عليك الليل كله انه اونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهري عليــــــــــــه&&
غرامك اثر بالعشك وداره
هجرت الي تعب وياك وداره
سمعت بقيس عاف اهله وداره
حملت الضيم وهمومك سويــــــــــــه&&
منو مثلي تعب لجلك وداراك
جهنم لجلك اتحمل وداراك
عسا من غيرك يسمر وداراك
ابسكَم لا للحيا ولا للمنيـــــــــــــــه&&
يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكتي اشبقه عندك اليـــــــــــه&&
قضية اسمك على اسمك ماشخطنة
ازدحام احنة على دربك وماشي خطنة
شتظن من كَد حلاتك ماشخطنة
اليشوفك ينشخط مية بميــــــــــــــة&&
حبيبي شرد اسولفلك ولا اكَدر
والهموم مبن ماعاين ولكَدر
الي جان وكتي ولك دُر
وصرت انته والوكت عليـــــــــــــه&&
نوبه حلوات الليالي نوبه مُرات
وحبيب الروح ما مر عّلي مرات
مو مره الخنتي حبيبي مرات
تخون إنته وتصح بيه الاذيــــــــــــه&&
صرت كَهوه لحبيبي بوسط فنجان
فن انس الي يوصله فن جان
اذا العاقل نظرلك نظرة فنجن
وانه المجنون وتكَلي انظر اليــــــــــه&&
انة الحزت الصبر والصبر حزني
والف وسفة اعلة سيف الظلم حزني
البحر الأبيض لون يلفيه حزني
يصير اسود بلون الليل ليـــــــــــــه&&
أزعل يا وطن وارجع اراضيك
وأحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيــــــــــــه&&
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليــــــــــــه&&
احبك من جنت جاهل واناحباي
مابطل وني عليك ونحباي
لون ينكضي نحبك ونحباي
يتلاكَه هوانا جوه الوطيــــــــــــــه&&
جنت انته المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليــــــــــه&&
جمر دمعي عله خدودي ترى سال
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيـــــــــــــه&&
يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليـــــــــــه&&
وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليـــــــــــه&&
اواسي نجوم وليالي واسني
بعمر بغداد لن عمري وسني
عراقي انة لاشيعي وسني
عراقي وما احب أي طائفيـــــــــــة&&
الرئيسية 
البوابة 
أحدث الصور 
التسجيل 
دخول 
موضوع: ابوذيات جميلة جدا ادخل واختار 
الجمعة 12 نوفمبر 2010, 10:01 am
