خلك ماصرت لوما خليلي تصير وصرت خلي برضاتك جي صرت خلك
علمتك عليــــــــه من الالف للياء تغلـــــط بالاجابه وانـــــه اعدلك
حرثت لخاطرك بالروح مثل الكاع وبوسات وورد كل عمري اشتلك
شمعه انته بحياتي وعمري ضلمه ليل اشعلت روحي وبعد شترديني اشعلك
اخاف سنين عمرك تحترك بالشوك واضملك كمت من عمري واعزلك
وعليك اتسودنت مو بس اغار اعليك واحل روحي واكضك خايف تحلك
وشلي بغيرك انته والكه مثلك وين وتتعب تلكه غيري وبهالتعب شلك
ياهو العلمك وتريد تمشي بعيد سلني الشوك خايف باجر يسلك
مثل ضلك جنت وبالخطوه نمشي ثنين ومشيت انته بضلام وضيعت ضلك
دلييني عليك اسنين تايه بيك وامشي وياي ادورك خاطر اندلك
وعرفني على شخصك رايد احجي وياك بس كلمه وبعدها ماغيرها نكلك
وحده من الثنين ووحده راح اختار لو كلك احبك لو احب كلك
اسال ليش احبك حتى اكلك ليش وليش شماتسوي وياي اقبلك
لحضة موت عمري وسنيني كلهن خوف وبس وياك امن لمن اوصلك
وانته اخر نفس وشكد عزيز تصير وبلحضه الموت وتريدنه نملك
خيط اعله الجرح ويلحم صرت وياي ولو كل الجروح تطيب ماافلك
تعرف كلشي بيه وماعرفت شبيك لغز وحلك لغز محد يكدر يحلك
واشرد حتى اجيك ومدري ليش الخوف واخاف تخاف مني وبسدك اختلك
واخاف تخاف مني وبسدك اختلك
الرئيسية 
البوابة 
أحدث الصور 
التسجيل 
دخول 
موضوع: خلك ما صرت لوما خليلي تصير 
الجمعة 12 نوفمبر 2010, 10:28 am
